Dêrsimijanê Îzmîrî endama Grûba Aştîye Aysel Dogane pîknîk de yad kerde.

Cayê yadkerdişî de fotografê Dogane ke ser o vateyê ci yê “Ez cinî ya, kurd a, qizilbaş a, elewî ya! Eke o zî nêvejeno ez dêrsimij a” nuştebî ama dardekerdene.

Îzmîr de aktîvîteya tradîsyonkîye ya 26. ya pîknîkî ya dêrsimijan ameye kerdene. Pîknîk de bale ameye antene polîtîkayanê qirkerdiş û asîmîlasyonî yê vera ziwan, kultur û xozaya Dêrsimî ser û semedê wayîrvejîyayîşê ziwan û ercanê Dêrsimî ame vengdayene.

Aktîvîte de cinîyanê Komelayanê Dêrsimî û Komeleyanê Elewîyan ê Demokratîkan sîyasetkara kurde Aysel Dogana ke 11ê gulane de şîye heqîya xo, yad kerde.

Cayê yadkerdişî de fotografê Dogana ke ser o vateyê ci yê “Ez cinî ya, kurd a, qizilbaş a, elewî ya! Eke o zî nêvejeno ez dêrsimij a” nuştebî ama dardekerdene. Cinîyan mûmî veşnayî, loqmayî vila kerdî û qalê têkoşînê Aysel Dogane kerd.