Partiya Demokratîk a Gelan (HDP) bi daxwaza ku parastina wan a devkî ya li dijî doza girtinê bimîne piştî hilbijartinê, serî li Dadgeha Destûra Bingehîn (AYM) dabû. AYM’ê, daxwaza HDP’ê qebûl nekir. HDP’ê di serlêdana xwe ya di 15’ê adarê de diyar kiribû ku ji ber erdhejan ne pêkan e ku parastina xwe ya devkî bike û xwestibû ku ji ber bandora wan a li ser hilbijartinê darizandin bê taloqkirin.
Cîgirê Hevserokên Giştî yê HDP’ê Serhat Eren ê ji Komîsyona Hiqûqê Berpirsyar e, anî ziman ku wê biryara AYM’ê di Desteya Rêveberiya Navendî (MYK) de binirxînin û bi lêv kir ku helwesta xwe ya têkildarî parastina bi devkî û dozê jî we pişt re aşkera bikin.
