Palamenterê HDPyî yê Çewlîgî Erdal Aydemîrîyo ke nêweşxaneyî zîyaret kerdî wina vat: “Dermanxaneyan de tengîya dermanî esta. Hem wayîrê dermanxaneyan hem zî nêweşî mexdûr benê.”

Palamenterê HDPyî yê Çewlîgî Erdal Aydemîrî bi wesîleya Roşanê Qurbanan vizêr Nêweşxaneyê Dewlete yê Çewlîgî, nêweşxaneyê qezayanê Gêxî, Azarpêrt û Sancakî zîyaret kerdî.

Aydemîrî îfade kerd ke qezaya Gêxî hetê pêro hukmatan ra ameya peygoşkerdene û seba eleqeyê înan hemwelatîyanê qeza ra sipas kerd.

Aydemîrî zîyaretê xo yê Nêweşxaneyê Dewlete yê Çewlîgî de vat: “Ma goş na waştişanê nêweşan û xebatkaran ser. Ez pêro nêweşan rê şîfaya xeyrine wazena. Çewlîg de waqayan de zêdîyayîşêko pîl esto. Ganî ma baldar bibê. Dermanxaneyan de zî zemanê peyênan ra dima tengîya dermanî esta. Hem wayîrê dermanxaneyan hem zî nêweşî mexdûr benê.”