Temsîlkara Hemserekîya Pêroyî ya ÎHDyî avûkate Rehşan Bataray Saman derheqê 17 û 31 gulane de Hewteyê Vînîbîyayen de qisey kerd û vat: “Verê name bi name senîn ameyê kerdene, delîl, îfadeyê şahidan û tespît ameyî kerdene. La çi heyf dosya de tu averşîyayîş nêvirazîya û şikdarî nînê muhakemekerdene.”
Tirkîya de serra 90 de bi hezaran merdimî ameyî qetikerdene û derheqê aqûbetê înan de bi serran o dewlete tu hemle nêerzana û pêwa ke şikdarî dîyarê zî, muhakeme nînokerdene, bi bêcezabîyayîşê yenê xelatkerdene. Wextê her hukumatî de selahîyetdarêk derheqê kiştişê kerdoxê nêdîyar de îtîrafan kerd, la çi heyf dewlete babeta muhakemekerdene şikdaran de xo dana het. Her serre merdimê vînîbîyayan mabêne 17 û 31ê gulane de Hewteya Vînîbîyayeyan de bi rayberîya Komeleya Heqê Merdiman (ÎHD) xeylêk bername û çalakîyan kenê. Temsîlkarê Hemserokîya Pêroyî ya ÎHDyî avûkate Rahşan Bataray Saman ke bi keyeyê vînîbîyayena ra têkoşîn kena û proses taqîb kena dosyayê vînîbîyaye û kiştoxê kerdoxênêdîyar de tu averşîyayîş çin o.
‘Her hukumat demê xo de ano ziwan’
Rehşane dîyar kerd ke dosyayê kerdoxê nêdîyar demê her hukmatî de anê ziwan û vat: “Semedê ceza bêro dayene zî ganî îradeyê sîyasî estbê. Yan zî merdimî nêeşkenê qalê dadgehe bêhet bikerê. Semedê nê girîng o ke îradeyê sîyasî vejîyo werte. Nimûne, rojê vîyarte de îfadeyê Sedat Pekerî vejîyayî meydan. Ma şaş mendî, ney. Xora ma verê ra zanayîne, tespît, îfadeyê şahidan û delîl estbî. La çi heyf tu dosyayêk de averşîyayîş çinîbi. Hemleyêk somut nêame eştene.”
‘Dosya yenê padayene’
Rehşane dewam de vat: “Verê îfadeyê Abdulkadîr Aygan vejîyayî meydan. Abdulkadîr Aygan îfadeyê xo de cayê cenazeyan vat. Gorê Komî qal kerd. Ma cigêrayîş kerd û netîce îfadeyê ci de ma cenazeyê Murat Aslan û Hasan Ergun dî. Ma o wextî muracatê sucî kerd. La kest nêkewt tevger. Polîtîkayê bêcezabîyayîşî yeno kerdene. Semedê demvîyarte dosya yenê girewtene. No zî lingê bêcezabîyayîşê yo. La ma têkoşînê xo de bi israr bê.”
‘Şikdarî nînê muhakemekerdene problemêk çareser nêbeno’
Rehşane bale ant serê hewteyê vînîbîyayeyan û vat: “Pêkerdişê Neteweyê Yewbîye (NY) yê derheqê vînîbîyayîşan de esto, la Tirkîya îmza nêkerda. Ma hewteyê vînîbîyayîn de na babete tewr zêde anê ziwan, veng danê. Seranserê Tirkîya de ma bernameyan kenê. Bi taybetî ma vanê ke ganî pêkerdişê NYyî bo îmzakerdene. Ma reyna veng danê. Problemê kurdî bi nê esasan do bêro çareserkerdene. Ganî ewil nê cayan de dest pêkeno.” AMED
