Goreyê xeberanê ke çimeyanê cayîyayan ra ameye girewtene dewleta tirke dewa Sergelê ya qezaya Amêdîye ya Duhokî daye bombayan ver.
Netîceya bombardumanî de herême de şewato gird vejîya. Dîya zanayene ke şewat resayo dewe û cuya dewijan binê tehlukeyî de ya. Şarê herême vera şewatî û hêrişanê dewleta tirke semedê hetkarîya lezabeze veng da.
No şewat wexto ke dewleta tirke ver bi Başûrê Kurdistanî sewqîyatê leşkerî yo gird kerd, ame kerdene. Rojanê ravîyarteyan de dîmenê sewqîyatê leşkerî yê girdî yo ke ver bi qezaya Amêdîye yeno kerdene, amebî antene.
Dewleta tirke rîyê bêvengîya Bexdad û Hewlêrî ra dahîna aver şîye û Duhok de nuqtayê kontrolî nayî ro, nasnameyî kontrol kerdî û xeylêk dewî bi zorî kerdî veng.
