Heta nika aplîkasyonê kurmancî û soranî est bî. Nika seba kirmanckî zî aplîkasyonêk virazîya. Ekîba ke koordînatorê ci ziwannas Mutlu Can o semedê ziwanê kirmanckî aplîkasyonêk amade kerd. Aplîkasyonêko bi nameyê “Zazano” vizêrî ra nata xizmet dano.
Keso ke wayîrê Androîd û App Store yo, eşkeno Zazano telefonê xo yê destan ro bê destmizî bîyaro ware. Zazano heman wext de “zazano.org” de sey keyepel zî aktîf o. Aplîkasyon de ferhengê Grûba Xebate ya Vateyî sey binge gêrîyeno.
Koordînatorê projeyî Mutlu Canî Zazakî Newsî rê nê şîroveyî kerdî: “Senî ke ma keyepel û aplîkasyonî de zî nuşto manaya Zazano tirkî de ‘Ey Zazalar’ o. Seba ke nameyê şarê ma hîna zaf sey zaza vila bîyo, ma no name tercîh kerd. Aplîkasyonêkê ferhengî yo. Eslê ci de di ferheng ê: tirkî-zazakî û zazakî-tirkî… Seba ke koordînator ez bîya, her prosesî reyde ez eleqedar bîya. Verê ke ma na xebate bikerê, mi semedê xebitnayîşê ferhengan nameyê Grûba Vateyî ser o M. Malmîsanijî ra destûr girewt.”
Semedê lînkê Androidî bitikne: ZAZANO
Semedê lînkê App Store bitikne
Semedê keyepelê Zazanoyî bitikne
