Amed û Dêrsim de sîyasetkarî zî tede xeylêk kesî ameyî destbendkerdene.
Amed de polîsan serê sibayî eşt xeylêk adresan ser. Operasyonan de Hemşaredarê verênî yê HDPyî yê Kayapinarî Necatî Pîrînçoglu, Hemşaredarê verênî yê HDPyî yê Erxanî Ramazan Kartalmiş û Mervane Yildiz, Îdarekarê verênî yê HDPyî yê Amedî Tarik Yazgan, Ridvan Ezel û 5 kesê ke Şaredarîya Erxanî de xebitîyenê û nameyê înan nêzanîyenê, ameyî destbendkerdene.
Dêrsim de çarçewa tehqîqatêkê Serdozgerîya Komare de polîsanê tirkan serê sibayî eşt keyeyan ser û bi îdîaya ‘endamîya rêxistine’ merkezê Dêrsimî de Eser Kaya, qezaya Pêrtagî de Kemal Ag û Burak Kurban û qezaya Pilurî de zî Berdan Tosun destbend kerdî. Destbendkerdeyî ameyî berdene bi mudirîya asayîşî.
