PENa Kurd Înternatîonal Amed de Salona Çanda kulturî de 10-11ê gulane de konferanse ame viraştiş. Nê konferansî de heme çar perçeyan ra ziwanzanî, roşnbîrî û nuştoxî seba ziwan û kulturê kurdan ra ameyî têhet û vaşt ke, statûyê ziwanê kurd bêyro naskerdiş.
Êyê ke beştarê nê konferansî bîyê înan ra Endama MYK’î ya DEM Partîye û Verfeka Komîsyonê Ziwan, Kultur û Hunerî yê DEM Partîye Cemîle Turhalli û rojnameger, nuştox Gulîstan Kanîreşê rojnameya marê qiseyî kerd.
Ganî kurdî yewbîyayîşê xo wirazê
Cemîle Turhalli dîyarkerd ke Konferanso ke pêşengîya PENa Kurd de ameyo viraştiş, nê konferansî kurdê ke çar perçeyan de ciwîyenê ardî têhet. Cemîle Turhalli û wîna vat: “Nê kurdê çar perçeyan de ciwîyenê seypêyê ziwanê, kultur û nasnameyê înan qedexe bîyo û bindestîyê. Qanûnê bingeyî de zî hemwelatîya înan nêna naskerdene. Heq û hûqûqê her mordemî est o û qet yewer nêeşkeno ke înan înkar biker o. No semedra zî kurdî bi verê veran yewbîyîşê xo bivirazê yewbînan ra hêz bidê û hêz bigîrê û têkoşîn bidê û nê tewr dayîşê têkoşîne zaf muhîm a.”
Wazanê ke meşrûîyetê xo cîhanî ra bide naskerdiş
Turhalli vat: “Şarê Rojhelatî, Vakûrî, Rojawanî û yewbînan ra hayîdarî û eşkenê ke tesîrê xo şarî ra bikerê û meşrûîyetê xo cîhanî ra bidê qebûlkerdiş û naskerdiş. Rewşa Vakûrê Kurdistanî zî binê tehlûkeyî deya. No semed ra zî amacê PENa Kurd zî hetê edebîyatî ra kulturî ra, eseranê xo, foklorê hafizaya xo bîyarê yew ca û yewbînan ra îstîfade bikerê û yewbînan hîs bikerê û pare bikerê.”
Turhalli ana peynî arde û va: Her kes yew cayî do û bi tenayê û eşkenê ke modelê edebîyatê kurdan bîyarê yew ca û zincîra xo virazê bidomîyê. PENa Kurd beno ke encamnameyê xo dîyar bikerê. Xebatê ke ercîyaye bî. Wazenê encamê xo de roja 15ê Gulane şarê ke bindestê û heme cîhanî rê bibo roja roşanê.”
Şaristanê Amedî de konferansêko dîrokî ame viraştiş
Beştarbîyayan ra Nuştox Gulîstan Kanîreşe zî vat: “Amed de kurdê ke çar perçayande ciwîyenê şaristanê Amedî de konferansê destpê kerd. 15ê Gulane munasebeta roja roşanê kurdkî ra kom bî û nê konferansî de heme rengî, heme vengî û cinî zî est ê û konferansêko, pîroz viraşt.” Kanîreşe wina domna: “Nê konferansî de çar perçeyanê Kurdîstanî ra heme partî estê û bi ziwanê xo û rengê xo estê. Heme partî bi ziwanê xo ra rengînê û wazenê ke mîyanê xo de aştîyekê rûmetî ra fikre xo yewbînan ra pare bikerê.”
Heme kes paştî bido lehçeya kirmanckî
Gulîstan Kanîreşe vatena xo wina qedênê: “Bi taybetî standatê lehçeyanê kurdkî virazê û aver bidê. Bi taybetî lehçeye kirmanckî apey menda û ganî heme kes hêz bido û paştî bido lehçeya kirmankî. Ma wazenê ke, hêvîya kurdanra yewbîyayîşê xo virazê û hêz bidê yewbînan, yewbînan ra zî hêz bigîrê û fikranê xo yewbînan ra pare bikerê. Munasebetê roja 15ê Gulane roşanê kurdkî nêzdî bîyo. Hêvîya ma est a ke, hînê statûya ziwanê kurdan bêro qebûlkerdiş û ez heme şarê marê serkewtiş wazena û roja roşanê kurdkî pîroz kena.”
