Polîsan teda kerde û ambulans nêdîya keyeyê Bariş Keveyo ke Zîndanê Meletî de amebî qetilkerdene.
Tepişteyo sîyasî Bariş Keve (25) 18ê êlule de hucreyê yewkesî yê Zîndanê Tîpê Tyî yê Akçadagê Meletî de ame qetilkerdene. Keyeyê ey şewe şi Meletî û Dezgehê Tipê Edlîyî ra cenaza girewte.
Dezgehê Tipê Edlîyî tedaya polîsan ra ambulans nêda keyeyî. Keyeyê Keveyî bi wesayîtêkê taybetî cenaza berde qezaya Wanî.
Kekê Bariş Keveyî da zanayene ke înan tewr peyên 16ê êlule de birayê xo reyde qisey kerd û çîyo xirab halê ey ra hîs nêkerdo.
Bariş Keveyo ke Edîrne de ame destbendkerdene û tepiştene cezaya 6 serran û 3 aşman dîyaye ci. Keveyo ke 5 aşmî yo Zîndanê Akçadagî yê Meletî de yo yew hewteyo rîyê ‘’cezaya dîsîplînî’’ ra hucreyê yewkesî de ameyêne tepiştene.
