Polîs û leşkeranê dewleta tirke nêverda ke heyetê HDP, DBP, KCD û TJA bi wesîleya rojbîyayîşê Rayberê Şarê Kurdî şoro Amara
Şayîya Amara ya seba rojbîyayîşê Rayberê Şarê Kurdî Abdullah Ocalanî ra verî Amara gêrîyaye binê ablûqa. Polîs û cendirmeyê dewleta tirke nêverdenê ke çew dekewo taxe.
Hemserekê Kongreya Komela Demokratîke (KCD) Bedran Ozturk, Hemserekê Partîya Herêmê Demokratîkî (DBP) Salîha Aydenîz û Keskîn Bayindir, Wekîla Partîya Demokratîke ya Şaran (HDP) Ayşe Surucu û aktîvîstê Têgêrayîşê Cinîyan ê Azadan (TJA) zî tede heyetêk seba ke şoro Amara resa Xalfetî.
Heyet pê konvoyê 15 wesayîtan Xalfetî ra vejîya rayîr la polîsan heyet vindarna û pê bahaneya ‘Korona’ nêverda heyet şoro Xalfetî.
Nîqaşan ra dima destûr dîya Bedran Ozturk, Salîha Aydenîze û Ayşe Surucu şorê. Keskîn Bayindir, şêwirmendê wekîlan û kesê bînî ameyî astengkerdene.
Heyetê wekîlan dekewtişê Amara de reyna ame astengkerdene. ayşe Surucu vera astengîye nêrazîbîyayîşê xo mojna. Heyet dima qezaya Bêrecûkî de ame astengkerdene û Hemserekê HDPyî yê Bêrecûkî Muslum Arslan ame destbendkerdene. Polîsan dest na 10 leyanê zeytunan ser zî.
Amara de ablûqa dewam keno. RIHA
