Weçînayîşê 14ê Gulane de rejîmê Erdoganî hîleyê girdî kerdî, adresanê xeyalîyan de weçînitoxî mojnayî, rayî diznayî, weçînitoxî kiriştî û sindoqî kerdî yew.

AKP weçînayîşanê 14ê gulane de zî pê metodanê gemarinan dewre de bî. Îqtîdarê AKPyî diznayîşê rayan reyde weçînitoxî kiriştî, sindoqî kerdî yew û adresanê xeyalîyan de weçînitoxî mojnayî.

AKPyî Wan de di seferê teyarayan betal kerdî ke weçînitoxî nêşorê raya xo nêdê.

Kemalettîn Demîro ke erdlerz de keyeyê ci xerab bîyo û Kalecîk de maneno da zanayene ke mudirîya nufusî adresê ey de kesê nenasî qeyd kerdê. Reyna Abdurrahman Şeylano ke cerdevanê AKP-MHPyî ra yew o qezaya Edremîtî ra 2 hezar û 500 weçînitoxî derbazê qezaya Şaxî kerdê.

Waştişê walîyanê înan ser Heyetê Weçînayîşê Berzî Wan, Dêrsim, Şirnex, Sêrt, Mêrdîn, Qers, Colemêrg, Erzîrom, Erzîngan, Xarpêt, Amed, Bedlîs, Çewlîg, Êlih û Agirî de 40 hezar sindoqî yew kerdî.

Palamenterê HDPyî yê Verênî Kemal Bulbulî derheqê hîleyanê AKPyî de wina vat: “Çîyo ke tira vajîyeno asayîşê weçînayîşî, teyna sey şuxilnayîşê rayan û hûmaritişê rayan fam beno. No raşt nîyo. Asayîşê weçînayîşî rewşa demokratîk a, azadîya fikran, têdûştî, edalet, xoserbîyayîş, heqê propagandaya têdûşte yo. Êyê ke xeyalanê Enver Paşayî kenê do bin bikewê. A raşte Kemal Kiliçdaroglu weçînayîşan de ser kewt la AKPyî nêda.”