Li Taxa Yenîkoy a navçeya navendî ya Halîliye ya Rihayê nelirêtî û êriş xelas nabin. Şandeya Partiya Çepên Kesk a li ser agahiya ku nahêlin muşahidên wan dengên xwe bidin hatin taxê, li vir bi êrîşa bidar û keviran a komeke AKP’î re rû bi rû ma. Koma AKP’î êrîşî Ferît Şenyaşar û şandeya pê reya ya ji Hevserokên HDP’ê Ahmet Atiş û Garîb Yeşîl, Hevserokê DBP’ê Vahît Akgun û parêzerên Baroya Rihayê pêk dihat kirin.
Di êrîşê de camên hin wesayîtan hatin şikandin. Ferît Şenyaşar hate derbkirin, kameraya nûçegihanê ajansa me yê nûçe dişopand hate perçekirin.
Şandeya ku karî ji herêma êrîş li wan hate kirin dûr bikeve, ragihandin ku ji herêma ku êrîş lê pêk hat dengê çekan hatiye.
