Îqtîdarê AKP-MHPyî bi kampanyaya ‘100 şaristanî, 100 qezayî’ wazeno merkezanê kurdan lete bikero.

Hemserekê HDPyî yê Wanî Fîkret Doganî vist vîrî ke verê cû zî xeylêk herêmê Kurdistanî ameyê kerdene şaristan û vat: “Eke Gever bibo şaristan hînî tede leşker û polîsî hîna zaf do bêrê cakerdene. AKP keno ke herêmê HDPyî bikerê qels. Ma Erdîş de, Gever de bihêz ê. AKP nînan ser o planan keno.”

Parlamenterê Partîya Çep a Keske yê Wanî Sînan Çîftyurekî pare kerd ke AKP çarçewa weçînayîşan û rantî de wazeno qezayan bikero şaristan û vat: “Planê dewlete neteweperestî yê. Sîyasetê zereyî û teberî de 100 serrî yo vera kurdan têgêrena. Meseleya kurdan de hesabê serê şaristankerdişê qezayan do fayde nêkerê. Qezayî seba ke tede leşker û polîsî bizêdîyê do bêrê kerdene şaristan.”