Esnafo Cemîl Taşkeseno ke Sêrt de esnafî keno, seba Sereka Pêroyî ya Partîya ÎYÎ Meral Akşenere rê vat ‘Ziwanê ma yeno înkarkerdiş. Kamîya ma yeno înkarkerdiş. Kurdîstan yeno înkarkerdiş. Ma vera na rewşe de yî. Cayo ke şima nika tede yî Kurdîstan o, la çi heyfo ke Kurdîstan meclîs de yeno înkarkerdiş. Tîya Kurdîstan o.’ 29ê Teşrîna Verêne de ame destbendkerdiş û bado ke îfadeyê ci ame girewtiş serbest ame veradayîş.

Dima ra Unîversîteya Firatî ya Xarpêtî ra Hîfzullah Kutumo ke Beşa Malîye, Zanistê Îdarî û Îqtîsadî de Akademîsyenê Cigêrayîşî yo serê hesabê xo yê medyaya dîjîtalî de parekerdişê ‘Bicuyo Kurdîstan’ pare kerd û derheqê ci de zî tehqîqat dîya dest pêkerdiş. Ame zanayîş ke badê parekerdişê Kutumî serê berê ci de beyraqa tirkî ame daliqnayîş û vatişê nîjadperestî û tehdîtkarî ameyî nuştiş. Parekerdiş ra dima dekanîya unîversîte derheqê Kutumî de tehqîqat da destpêkerdiş û gure ra ame girewtiş. Nîjadperestê ke bere Kutumî ser de vatişê nîjadperestî nuştî na rewşe ra îstîfade girewtî verê berî de pê giştan sembolê vergan berz kerdî û fotografan antî.

Kutumî 6ê teşrîna peyêne de vejîya mehkema û bi îdîdayê ‘propagandaya rêxistine’ ra ame tepiştiş. Avukatê Kutumî na rewşe rê îtîraz kerd û serbestveradayîşê Kutumî waşt. Îtîrazî ra dima Kutumî ewro serbest ame veradayîş.