Partîya Karkeranê Kurdîstanî (PKK) 12ê gulane de encamnameyê kongreya xo ya 12. eşkera kerd û şehadetê di pêşeng û awankerdoxanê xo Alî Haydar Kaytan û Riza Altunî dîyar kerd. Kongre dîyarî Alî Haydar Kaytan û Riza Altun ameye kerdene. Eşkerayîya PKK’yî ra pey xeylê şaristanan de Alî Haydar Kaytan û Riza Altun ameyê vîrardene. Amed de zî bi pêşengîya MEBYA-DER, DEM Partî, DBP’yî bi beşdarîya xeylê kesan pêşengê PKK’yî Qada Şêx Seîdî de ameyê vîrardene. Bi hezaran kesî beşdarî vîrardişî bîyî. Welatijî ke beşdarê vîrardişî bîyî rojnameya ma rê qisey kerd.
Welatij Abdullah Kanat, taybetî kiştişê îşkencekarê zinanê Amedî Esat Oktay Yildirimî de ame tepiştiş û 20 serrî zindan de mend. Abdullah Kanatî derheqê her di şehîdan Alî Haydar Kaytan û Riza Altunî de rojnameyê marê qiseyî kerdî.
Abdullah Kanat vat: “Ez verînî ra Sirri Sureyya Onderî û Êlih de hemşaradarê DEM Partî Mustafa Tekîk, Alî Haydar Kaytan û Riza Altunî bi hurmet yad kena.”
Her di şehîdê qahremanî heme hetê kurdistanî ra neqiş bîyî
Abdullah Kanatî vat: “Şehîdê ma bi ranganê çîçekanê û boya xo ra, bi rewşa rindeya xo ra û zerrîya şarê kurdan de oxir bîyî. Şehîdê ma heme hetê kurdistanî ra gula çîçekan ra neqiş bîyî. Nê çîçekî qet nêpilmusîyayî û her wext zerrîya şarê kudan de ciwiyenê. Nê şehîdê ma qehremanî qet nêmerdî û bi rewşa fîzîkî ra zerrîya şarê kurdan de rê.”
Abdullah Kanatî wina domna: “Ez bi şexsê Alî Haydar Kaytan û Riza Atunî de şehîdanê kurdan yad kena. Ez bi xo yew demê dergî ra hepiste embazê Riza Altunî ra pîya menda. Embaz Alî Haydar Kaytan bi rewşa rindeya embazî ya xora û rewşa bîrdozî ra û hetê edebîyat û kulturî ra ameyne sinasnayîş û nê warî embazan mîyanî de bala girde ante. Embaz Kaytan bi rewşa îsyankarê Serhetî ra ameynê sinasnayîş û rewşa kesayetîya zerihîsî ra ameynê sinasnayîş. Qet kemasîya xeteyan qebûl nêkerdêne û rexneyê xo her wext kerdêne.
Embazo Riza Altun bi tena sîmgeyê hevaltîyê azadî nêbî eynî wextî de xoverodayîşê zindanî de zî yew sîmge bi. Embaz Rizayî têkoşîna azadî û rêbazanê rêxistinî ra qet tawîz nêdêne. Ez û Embaz Rizayî menga Çelî de 1984î de pîya koxûşa 35ê de bî û vera êrîşkerdişê dewlet ra bi desin ra vergirotişê şahdetanê kadroyan girot. Embaz Riza warê siyaseti de û dîplomasî de nimune bi. Eynî wexti de zî embazan ra rewşa henekan û espirîyanê xo ra moral dêne heme embazan.
Ez û embaz Rizayî 8 serrî pîya zindan de mendî. Embaz Rizayî vera heme wehşetanê dewlete xoverodayîşêko qahramanî daynê. Bi rewşa moraldayîşî ra zerrîya heme embazan de sîmgeyê xoverodayîşêke pîlî bi. Rihê eyî û heme embazan şad bo. Her di embazê ma her wext zerrîya kurdan de ciwîyenê û sernawera ez her di şehîdan yat kena û ma enkayra pey têkoşîna înan hîna zaf berz kenê.”
