Artêşa tirk li Çiyayê Bagokê yê ser bi navçeya Nisêbînê ve operasyona leşkerî da destpêkirin û serê sibeha 28’ê Cotmehê bejahiya deverê bi balafiran bombebaran kir
Bi sedan leşker û cerdevan tev li operasyonê bûn û hem ji hewayî ve hem jî ji bejahiyê ve operasyon bi birfirehî pêk tê. Dora goristana ku cenazeyên gerîlayên PKK’ê lê veşartî ne jî hat dorpêçkirin.
Devera Barahawşo ku li çoltera gundên Xirbê Mişka, Sedderiyê û Marînê ye gelek caran ji aliyê balafirên şer ve hat bombebarankirin.
Piştî ku balafiran bombebaran kir, helîkopter li ser deverê geriyan û gulebaran kirin. Hat ragihandin ku li herêmê dengê çekan bilind dibe.
