Endamê OHDyî Bedîrhan Sarsilmaz 25ê teşrîna verêne de roniştişê dewa de amebî destbendkerdene û hema zî nezaret de yo.

Rêxistinanê huqûqî derheqê babete de verê Edlîyeya Çaglayanî de eşkerayîyêke daye.
Avûkate Hanne Bayturkî eşkerayîye wende û dîyar kerd ke Sarsilmaz eşkayêne ke edlîye de îfade bido la ameyo destbendkerdene û dosyaya ey ser o zî bira nimitişî est a. Hanne ard ziwan ke Sarsilmaz karanê xo yê avûkatîye ra semed nezaret de yo û vat: “Avûkatî hê yenê krîmînalîzekerdene û bi sebebanê îlegalan tepişîyenê. Ma ney qebul nêkenê. Pawitiş qetî sereyê xo do nêaro war.”