Goreyê agahîyanê ke ameyê girewtene şewe Bursa de, kesanê nenasan hêrişê bînaya DEM Partî ya qezaya Înegolî kerd. Hêriş de kamera û camê bîna ameyî şiknayene.
Endamê DEM Partî o waxt bîna de bîyî. Nînan hêrişker tepişt û teslîmê polîsan kerd. Îdarekar û endamanê partîye verê bîna de vera hêrişî nêrazîbîyayîşê xo mojna.
Hemsereka DEM Partî ya Bursa Denîz Buyuke pare kerd ke nê hêrişî organîzekerde yê û ê do vera hêrişan qetî apey game nêerzê.
Denîz Buyuke da zanayene ke ewro saete 19.00î de verê bîna de ê do hêrişî protesto bikerê û venga pêro kesan, dezgehanê demokratîkan da ke wa tewrê protestokerdişî bibê.
