Bajarê Torîno yê Îtalya de cinîyan ê îtalyanan çarçewaya hemleya “Abdullah Ocalanî rê azadîye, meseleya kurdan rê çareserîya sîyasîye” de rayraşîyayîş organîze kerd û xoverdayîşê Serekê PKKyî Abdullah Ocalanî selam kerd.
Rêxistinanê sey Rete Jin, Fridays4Future, Verso il Kurdistan, StudentiIndipendenti tewrê rayraşîyayîşî bîyî paştî daye ci.
Çalakîye de bi pankartan bale ameye antene paradîgmaya Rayberê Şarê Kurdî Abdullah Ocalanî ser û pankartê cinîyan ê şorişgêran ameyî kiriştene. Meydanê Piazza Castello de ‘Libertà per Ocalan’ (Ocalanî rê azadîye) ame nuştene.
Eşkerayîyan de ame vatene ke tek raybero ke azadîya cinîyan paweno Rayberê Şaran Abdullah Ocalan o, coka azadîya ey azadîya heme cinîyan a. Cinîyan vat: “Têna bi fikranê Rayber Apoyî Rojhelatê Mîyanênî de krîzî eşkenê bêrê çareserkerdene.”
Cinîyan xoverdayîşê şarê kurdî yê mîtîngê 13yê teşrîna verêne yê Amedî zî selam kerd. Çalakîye Piazza Castello de bi govende qedîyaye.
