Roniştişê dewaya vera Sereka Verêne ya Yewîya Tabîbanê Tirkan (TTB) û Endama Weqfa Heqanê Merdiman a Tirkîya (TÎHV) Prof. Dr. Şebnem Korur Fîncanciye Mehkemeya Cezaya Eslîye ya Stenbolî de ameye kerdene.
Şebnem Korur Fîncanciye ‘qijkerdişê meclîsî, dewleta tirke û organanê dewlete û hukmatî’ ra yena muhakemekerdene. Fîncanciye tewrê roniştişî nêbîye, la TÎHV, Rêxistina Efû ya Mîyanneteweyîye û Sersefîrîya Almanya roniştiş teqîb kerd.
Mehkemeya Cezaya Eslîye ya Stenbolî bire daye ke Prof. Dr. Şebnem Korur Fîncanci wa bi zorî bêro berdene bi roniştişê dewa. Roniştiş taloqê 27ê çeleyê 2025î ame kerdene.
