Dewa Pîrejmanî ya qezaya Pîranî ya Amedî de dîmenê wêrankarîya şîrketa madenî Olmezî ameyî girewtene. Dîmenan de aseno ke xoza senî yena herimnayene.

Dewijan helê teqnayîşê dînamîtan û toz û gemarî girewtî. Hemwelatîyan îfade kerd ke ca û wareyê nînan binê gef û tehlukeyî de yê.

Dewijêkî Ajansê Mezopotamya rê dîmenî şawitî û ard ziwan ke maden zerar dano xoza û erdê dewijan. Dewijî vat: “Bêrê ma nê talanê xoza rê vajê ney. Her keso ke na babete de hîsger o wa vera nê kerdişî nêrazîbîyayîşê xo bimojno û wayîrê xoza vejîyo.”