Di çarçoveya çalakiyên şermezarkirina salvegera 26’emîn a komploya navnetewî ku 9’ê Cotmeha 1998’an dijî Rêberê PKK’ê Abdullah Ocalan hatibû destpêkirin de, wê li bajarê Qamişlo meşek navendî were lidarxistin.

Meşa ku amadekariyên wê ji aliyê Înîsiyatîfa Gel a Qamişlo ve tê kirin wê 9’ê Cotmehê pêk were. Navnîşana meşê Qamişlo ye, lê wê ji bajarên Dêrik, Girkê Legê, Çilaxa, Tirbespiyê, Amûdê, Til Koçer û Til Hemîs û 25 bajarokên girêdayî van bajaran jî bi hezar kes tev li mitîngê bibin.

Di çarçoveya amadekariyan de li her bajar û bajarokekê komîte hatine avakirin, civînên agahdarkirinê tên lidarxistin. Her wiha plansaziyên veguhestina gel a ji bo Qamişlo hatine derxistin. Li gorî vê yekê kesên ku seyareyên wan hebin, dê bi seyareyên xwe werin. Ji bo welatiyên ku derfetên wan nîn in jî, seyare hatine amadekirin û cihê siwarbûnê hatine diyarkirin.

Komîteyên amadekar bang li tevahiya welatiyan kirin ku wê rojê bi awayekî xurt tev li vê meşê bibin.