Çalakiya xizmên windayan a bi daxwaza aqûbeta xizmên xwe bipirsin û faîlên wan werin cezakirin didome. Xizmên windayan vê hefteyê li Amed, Êlih û Colemêrgê hatin ba hev.
Amed
Şaxa Komeleya Mafên Mirovan (ÎHD) a Amedê û xizmên windayan, di hefteya 817’emîn a çalakiya xwe de li pêşiya Bîrdariya Mafê Mirovan a li Parka Koşûyoluyê hatin ba hev. Nûnerên saziyên sivîl ên li bajar û xizmên windayan tev li çalakiyê bûn. Di çalakiya vê hefteyê de çîroka Vahît Narîn ê li navçeya Pasûra Amedê ji hêla polîsan ve hatiye qetilkirin û piştre cenazeyê wî hatiye şewitandin, hate xwendin.
Ji xizmên windayan Fatma Tosûn anî ziman ku welatiyên hatine qetilkirin û windakirin ji ber ziman û çanda xwe parastine, hatin hedefgirtin û wiha got: “Têkoşînekî birûmet dan. Her kesek dizane bê ka ew çawa hatin windakirin. Heke dê aştî û demokrasî were li vî welatî, divê berê xwe bidin li Dayikên Şemiyê yên li Qada Galatasarayê ya Stenbolê û xizmên windayan ên li vê derê. Heya em windayên xwe peyda dikin, dê çalakiya xwe bidome. Heya em windayên xwe dibînin dê her du destên me li stuyê dewletê ve bin.
Çîroka Vahît Narîn ê hatiye windakirin, endamê Komîsyona Windayan ê ÎHD’ê Firat Akdenîz xwend.
Daxuyanî bi piştî çalakiya rûniştinê bi dawî bû.
Êlih
ÎHD û xizmên windayan di çalakiya xwe ya 653’yemîn de li pêşiya Bîrdariya Mafên Mirovan a li ser Cadeya Gulistanê daxuyanî dan. Di çalakiyê de pankarta “Bila winda werin dîtin, faîl werin darizandin” hate vekirin. Hevserokê Giştî yê ÎHD’ê Huseyîn Kuçukbalaban, parastvanên mafên mirovan û xizmên windayan tev li daxuyaniyê bûn. Kuçukbalaban diyar kir ku ew ê pirsîna aqûbeta windayan xwe bikin û wiha got: “Em ne tenê dîtina wandayên xwe ji we dixwazin, aştiyê jî dixwazin.”
Di çalakiya vê hefteyê de çîroka Ahmet Bîçîmlî yê 55 salî yê di 20’ê îlona 1994’an de li navçeya Farqîna Amedê hatiye windakirin û careke din agahî jê nehatiye girtin, hate pirsîn.
Ji rêveberên Şaxa ÎHD’a Êlihê Melek Atalay çîroka Bîçîmlî xwend.
Daxuyanî piştî çalakiya rûniştinê bi dawî bû.