Wezareta Enformasyonê ya Rejîma Îranê, hevdîtina malbatê li girtiya siyasî ya Kurd Zeynep Celaliyan ku 17 sal in li Îranê girtî ye û cezayê girtîgehê yê heta bi hetayê lê hatiye birîn, qedexe kir. Zeynep Celaliyan ku 4 sal berê şandibûn girtîgeha Yezdê, tenê carekê karîbû malbata xwe bibîne.
Li gorî Tora Mafên Mirovan a Kurdistanê, Zeynep Celaliyan destpêka hefteyê ji bo dîtina malbata xwe daxwaz kir, lê belê rayedarên girtîgehê ragihand ku bi fermana Wezareta Enformasyonê serdan hatiye qedexekirin. Malbata Celaliyan ku ji bo dîtina keça xwe ji Makû çû Yezdê bêyî ku serdanê bike vegeriya.
Zeynep Celaliyan ku hefteya borî rakirin nexweşxaneyê, xwestin tevîe kelepçeyê derman bikin. Lê ji ber dermankirina bi kelepçeyan red kir, nehate dermankirin.
