Amed de saetanê rewî yê serê sibayî de polîsanê tirkan eşt Komeleya Cigêrayîşê Ziwan û Kulturî yê Mezopotamya (MED-DER) û Pirtûkxaneyê Payîzî ser. Hemserekê MED-DERî zî tede xeylêk îdarekar û mamosteyê kurdkî ameyî destbendkerdene. Dîya zanayene ke nê kesî bi îfadeyanê îtîrafker Umît Akbiyikî û îtîrafkerêkê nimiteyî ameyî destbendkerdene.
Çarçeweya tehqîqatî de qezaya Rezanî de polîsan eşt Kooperatîfê Ziwan û Hunerî yê Anka ser. Sereştiş de dest nîya harddiskan ser. Derheqê dosya de qerarê nimitişî est o û avûkatî 24 saetî nêeşkenê pêvînayîş bikerî.
Hûmara kesanê ke ameyî destbendkerdene zêdîyaye. Nameyê 23 kesanê ke ameyî destbendkerdene wina yê: Hemserekê MED-DERî Mehmet Remzî Azîzoglû û Şukran Yakut, Rifat Ronî, Dîlan Guvenç, Nazan Çelîk, Cîhat Guney, Îlyas Gun, Bêrîtan Gurbet Orak, Mîne Karakaş, Ramazan Holat, Hebûn Yagmûr, Ayhan Karatekîn, Bêrîvan Duman, Mehmet Salîh Ongun, Rabia Karayil, Rêzan Aktulum, Belkisa Bitkîn, Fatma Îgîn. Ahmet Boltan, İpek Oyur, Mustafa Açmaz, Hasan Gorpinar.
