Goreyê agahîyanê ke ameyê girewtene Zîndanê Riha de îdareyî 10 tepişteyan rê seba ke 15ê Tebaxe de govende girewta cezaya dîsîplînî daya.
Goreyê agahîyan heyetê dîsîplînî bi bahaneya ‘bîlasebeb deyîrî vatê’ vera tepişteyan tehqîqat akerdo. Tepişteyan çarçewa nê tehqîqatî de îfade da û pare kerd ke govendgirewtiş qedexe nîyo.
La heyetî seba ke tedeyîya deyîran de çekuya ‘Kurdîstanî’ est a, 10 tepişteyan rê cezaya qedexeyê têkilîye û zîyaretdaran daye.
Tepişteyan bi rayîrê avûkatanê xo Hakîmîya Înfazî ya Riha rê îtîraz kerd.
Hetê bînî ra heman zîndan de Îsmaîl Kaplan û Ahmet Yilmaz bê ke xebere bidîya keyeyanê nînan surgunê Zîndanê Erzînganî ameyî kerdene.
