SOHR’ê êvara Çarşemê daxuyaniyek da û got, “Li bakurê wîlayeta Lazkiyeyê, koma Heyet Tahtrîr el Şam êrîş bir ser çeperên artêşê û di encama êrîşa xwekujî de yek jê efser gelek hêzên rejîmê hatin kuştin.”
SOHR’ê da zanîn ku di êrîşa HTŞ’ê de 12 leşkerên Şamê hatine kuştin û HTŞ wekî hevkarê dewleta Tirk pênase kir. SOHR’ê anî ziman ku HTŞ tevahiya Idlibê û hin beşên ji wîlayetên cîran Heleb, Hama û Lazkiyeyê kontrol dike.
Li van herêmên ku li derveyî kontrola hikumeta Şamê ye, zêdeyî 5 milyon mirov hene ku piraniya wan ji eyaletên din hatine koçberkirin an jî ji aliyê dewleta Tirk a dagirker ve hatine bicihkirin.
Li van herêmên di bin kontrola HTŞ’ê de ne, gelek komên çete yên din ku Tirkiye piştgiriyê didin wan û wan bi rêxistin dikin jî hene.
