Paytextê Almanya Berlin de bi beşdarîya roşnvîr, akademîsyen, nuştox, rojnameger û sîyasetmedaranê Tirkîya ”Konferansê Aştîye, Dîyalog û Demokrasîyî” ame kerdene.
Netîcenameyê konferansî ame eşkerakerdene. Akademîsyene Latîfe Dogane û rojnameger Ertugrul Mavîogluyî netîcename wend.
Mavîogluyî da zanayene ke konferans de têkoşînê aştîye ser o tecrubeyê mîyanneteweyîyî ameyê parekerdene, tecrîdê Îmraliyî yê vera Serekê PKKyî Abdullah Ocalanî ameyo nîqaşkerdene û vat: ”Azadîya Abdullah Ocalanî teyna waştişê şarê kurdî ney waştişê pêro şaranê herême yo.”
Mavîogluyî pare kerd ke konferans de seba averberdişê têkoşînê aştîye birî ameyî girewtene:
”-Konferansê ma armanc keno ke tecrubeyê têgêrayîşanê cinîyan ra îstîfade bikero. Mîmarê felsefeya Jin, Jiyan, Azadî nika tecrîdê mutleqî de yo ke no tecrîd tesîrê cinîyan zî keno. Heta ke tecrîd nêqedo şansê ma yê aştîye zî do çin bo.
-Qewimîyayîşê tarîxî û sîyasîyî rewşa Birêz Abdullah Ocalanî û meseleya kurdan binê demokrasî û azadîye de do bêrê çareserkerdene. Forumê Azadîye û Aştîye yê Ewropa ganî pêro xebatanê xo seba çareserîya meseleya kurdan, aştîye û muzakerayan bikero.
-Seba aştîyêka mende ganî arşîvêkê vîrê cigêrayîşanê aştîye do bivirazîyo û ziwanêko aştîyane yo hîra bivirazîyo. Seba ney konferansê ma do kampanyayan û xebatan bikero.
-Forumê ma seba zêdînayîşê hêvî û kelecanê aştîye û berzkerdişê vengê aştîye konsere, festîvale, kampanya û kombîyayîşan bivirazo.”
