Dîya zanayene ke Zîndanê Çorluyî yê Tekîrdagî de tepişteyî raştê kerdişanê keyfîyan yenê.
Avûkatanê Komeleya Huqûqnasan a Seba Azadîye (OHD) zîndan zîyaret kerd û pare kerd ke tepişteyê sîyasîyî hucreyê yewkesî de tepişîyenê. Avûkatan dîyar kerd ke tepişteyê sîyasîyî, FETO û DAÎŞî heman hucreyan de tepişîyenê, paceyê hucreyan bi têlan ameyê girewtene û zerre bêhewa yeno verdayene.

Avûkatan derheqê babete de nê agahîyî dayî: “Nê koxûşan de tepişteyê nêweşî yê ke cezaya muebede dîyaye est ê. Tepişte Cuma Topalogluyo ke nêeşkeno bi sereyê xo îhtîyacanê xo peyda bikero, hucreyê yewkesî de tepişîyeno.”