Dewleta tirke Başûrê Kurdistanî de dewan raşteraşt kena hedef û sûcanê şerî kena. Xîret yeno kerdene ke dewijî bi zorî erdê xo ra bêrê vetene.
Roja yewşemeyî saetanê şewe de dewê Sergelê, Kevne Mêzê, Mêzê, Guherzê û Belave yê qezaya Amêdîyê yê Dihokî bi SÎHAyan dîyayî bombayan ver.
Hêrişan de merkezê dewanê Kevne Mêzê û Mêzê yê herêma Berê Garê zî ameyî hedefkerdene, tayê keyeyî bi temamî ameyî vêşnayene. Nêzanîyeno ke bombarduman de zerar resayo ganê çewî yan ney.
Dewleta tirke menganê peyênan de bi hezaran leşkerî û bi seyan wesayîtê zirxînî berdî herême û herême de baregehê leşkerî û noqtayê kontrolî awan kerdî. PDK zî nê kerdişan de ardimê dewleta tirke keno.
