Şingal de hêjîrê Kurdistanî yê tewr weş û rindî resenê. Bi taybetî Wareyê Xidirî bi hêjîranê xo namdar o. Mam Xêroyo 53 serrî yo tîya de karê citkarîye keno.

Mam Xêro domananê xo reyde ewnîyeno 250 daranê hêjîran ra. Mam Xêro dano zanayene ke menga adare de darê hêjîran ganî bêrê ronayene û vat: “Hêjîrêke mîyanê 6-7 serran de resena. Eke şima awe bidê ci 4-5 serran de zî resena. Verê cû awdayîş zehmet bî, la nika sondajê ma est ê. Ma bi rehetî awe danê daranê xo.”

Hêjîrê Şingalî menga tebaxe ra dima yenê arêdayene. Mam Xêro vano ke dima ke hêjîrî arê dîyenê, rojêke binê tîje de yenê rakerdene û dima layan ra yenê rêzkerdene. Mam Xêro vano ke hêjîrê ke bi kedêka pîle arê dîyenê bazaranê Şingal û Mûsilî de yenê rotene.”