Şaristanê Bochumî yê Almanya de cinîyê kurdî beşdarê Festîvala Kulturan a Vera Nîjadperestîye û Faşîzmî (Ruhr International das Fest der Kulturen) bîyî.
Meclîsê Cinîyan ê Şehîde Asya Yuksele yê Duisburgî zî festîvale de cagirewt. Hemsereka Meclîsî Rehşan Adare festîvale de qisey kerd. Adare pare kerd ke dewleta Almanya bi polîtîkayanê xo kurdan krîmînalîze kena û Almanya şermezar kerde.
Roja diyîne de festîvale de Koma Kulîlkên Rojê vejîyaye sehne ser. Cinîyan ê kurdan bi kincanê xo yê neteweyîyan govende girewte. Şarî zaf eleqe mojna govenda cinîyan ê kurdan.
Meclîsê Cinîyan standê xo de werdê kurdan dayî şinasnayene. Cinîyanê kurdan vilawekî vila kerdî û venga pêro cinîyan ê bînan da ke 15ê hezîrane de Duisburg de tewrê Festîvala Cinîyan a Zîlane ya 18. bibê.
