Mîhrîcana Govendên Kurdistanê yê 35. bajarê Esslingenî yê Almanya de bi rayraşîyayîşê tradîsyonelî dest pêkerd. Komayê ke tewrê aktîvîte benê saetanê serê sibayî ra Bahnhof Platz de ameyî têhet û tîya govende girewte.

Bi seyan kaykerdox, mamoste û kurdistanijan herêmanê cîya cîyayan ê Kurdistanî ra kayê xo mojnayî ra. Heme mamoste û kaykerdoxî bi kincanê xo yê neteweyî tewrê aktîvîte bîyî.

Dima rayraşîyayîşî dest pêkerd. Kuçeyanê tarîxîyan ê Esslingenî de rayraşîyayîşê renginî bala almanan zî ante xo ser. Badê rayraşîyayîşî meydanê tarîxî yê verê Kitapxaneyê Bajarî de govende ameye girewtene.

Mamoste û kaykerdoxî dima ravîyartî cayê musabeqa. Heta şanî do komayê govende hunerê xo ramojne.

Xelatê ke do aktîvîte de bêrê dayene wina yê:

“Xelata Cil û Bergan
Xelata Lêkolînê
Xelata Dîlanan
Xelata Fair Play.”