Heyetê Rayberdişê Merkezî yê DEM Partî serkêşê têgêrayîşê şorişgêrî yê Tirkîya Denîz Gezmîş, Huseyîn Înan û Yusuf Aslan yad kerdî ke wextê Darbeya 68î de ameybî dardekerdene.

Eşkerayîye de dîya zanayene ke nê hîrê şorişgêran bi şîarê “biciwîya wayûbiratîya şaran” têkoşîn kerdêne. DEM Partî îfade kerd ke hîrê şorişgêran peyê xo de mîrasêko pîl verda û ê bîyî sembolê fedayîtîye.

DEM Partî vat: “Mahîran, Îboyan, Mazlûman, Kemal û Xeyrîyan xeyalê ‘cuya azade, têdûşte û aştîyane’ de pêkerdêne. Ewro armancê înan armancê bi mîlyonan merdiman o. Meşaleya nê şorişgêran 68 ra nata vêşena û rayîrê pêro têkoşeran roşnî kena. 

Şexsê Denîz, Huseyîn û Yusufî de ma pêro şehîdanê şoreş û demokrasîyî bi rêz û minetî yad kenê. Ma soz danê ke do wayîrê mîrasê înan vejîyê.”