Hemşaredarê Akdenîzî Hoşyar Sariyildizî dîyar kerd ke şaredarîye do êdî xizmetê qeza bikero û bibo şaredarîya her kesî.

Sariyildizî vist vîrî ke AKPyî 5 serran de qetî xizmetê şarî nêkerdo, çimeyê şaredarîye talan kerdê, talan û dizdîyî kerdê. Sariyildizî vat: “Şarî vera nê kerdişan ma tercîh kerdî. Şar bi xurtî wayîrê ma vejîya. Bi taybetî cinî û ciwanî eleqeyêkê pîlî mojnenê ma. Qezaya Akdenîzî Mersîn de qezaya tewr girîng a. Na qeza de kurdî, tirkî, erebî, romanî, rûm, elewî, sunî û xirîstîyanî pîya ciwîyenê. Nika na qeza pabeyê xizmetî ya.”

Sariyildizî îfade kerd ke rixmê dizdî û bêusûlîyanê AKPyî zî Şaredarîya Akdenîzî do xizmetê qeza bikera û biba şaredarîya her kesî û wina vat: “Ma do prosesî şarê xo reyde îdare bikerê. Nê panc serranê peyênan de şarê ma rê çi xizmet nêameyo kerdene ma do bikerê. Na çarçewe de seke ma soz dabî destpêk de ma berê şaredarîye tira vetî. Ney şar kêfweş kerd. Şarê ma yeno zîyaretê ma û wexto ke vîneno ber çin o pê kêfweş beno. Ma do ney tim bikerê.”