Nobeta Edaletê ya li avahiya Partiya Herêmên Demokratîk (DBP) a Êlihê hatiye destpêkirin di roja 66’an de didome. Aktîvîstên Tevgera Jinên Azad (TJA), rêveberên DBP, Partiya Wekhevî û Demokrasiyê ya Gelan (DEM Partî) û nûnerên rêxistinên civaka sivîl hatin serdana nobetê. Di çalakiyê de ji çalakvanan Horî Acar axivî û got ku heta agahiyê ji Rêberê PKK’ê Abdullah Ocalan negirin dê çalakiya xwe bidomînin. Horiyê, wiha domand: “Deriyên girtîgehan vekin bila kesek li wir nemire. Vê zilmê bi dawî bikin. Edaletê pêk bînin.”
Piştre jî Horiyê wiha bang li hemû dayikan kir: “Divê her dayika li dijî neheqiyê li cem me cih bigirin.”
Çalakiyê bi dirûşman dewam kir.
