DEM Partî, TJA, DBP’ê bi dirûşma “Dem dema azadiyê ye” li Qada Azîzoglû ya li navçeya Farqîn a Amedê mîtînga hilbijartinê pêk anî. Partiya Herêmên Demokratîk (DBP), Tevgera Jinên Azad (TJA) û Partiya Wekhevî û Demokrasiyê ya Gelan (DEM Partî) ji bo hilbijartinê mîtîngek girseyî pêk anî. Hevserokê Giştî yê DBP’ê Keskîn Bayindir, namzetê hevşaredariyê yê Bajarê Mezin ê Amedê Dogan Hatûn, namzetên hevşaredariyê yên Farqînê Sevîm Bîçîcû û Kadrî Esen û parlamenterên DEM Partiyê jî tev li mitîngê bûn. Mitîng bi rêzgirtina ji bo kesên di têkoşîna azadî û demokrasiyê de jiyana xwe ji dest dane hate kirin dest pê kir.
