Tepişteyo sîyasî Yaşar Kirmizi badê 32 serran vera dîya. Kirmizi bi destê Mehkemeya Asayîşî ya Dewlete serranê 90yan de amebî tepiştene.
Yaşar Kirmiziyî Riha de serra 1992yî de hetê Mehkemeya Asayîşî ya Dewlete (DGM) ra bi îdîaya ”xeripnayîşê yewîya dewlete” ame tepiştene û cezaya muebedî dîyaye ci.
Yaşar Kirmizi yo ke serranê xo yê ciwanan de kewt zîndan 56 serre Zîndanê Tîpê K1 yê Depî ra ame veradayene. Kirmizi wextê tepişnayîşê xo yê 32 serran de zîndananê Amed, Dîlok, Bolu û Xarpêtî de mend.
Merdim û embazê Kirmizîyî û Musa Şanako ke badê 30 serran 16ê tebaxe de ame tehlîyekerdene şîyî vera Yaşar Kirmiziyî. Yaşar Kirmizi yo ke berê zîndanî de bi tilîlî û çepikan ame selamkerdene, dima ra kewt rayîrê memleketê xo qezaya Serêkaniyê ya Riha.
