Pirtûka bi navê Sîsê ya Mîroyê Esed ku serdema Soviyetan vedibêje ji aliyê Weşanxaneya Nûbiharê ve hatiye çapkirin berhemeke ku ew serhatiya jiyana kurda ya kolxozê vedibêj e.

Ev novela Mîroyê Esed a bi navê Sîsê, yek ji nimûneyên romanên kurdî yên dewra Soviyêtê ye ku tema û şêwaza wê piranî li ser realîzmeke civakî ye. Her wiha veguherîn û rabûna civakekê vedibêje ku tevî azadbûna ji rê û resmên berê ew fikra realîzma sosyalîzmê jî dihewîne. Dîsa jî di temaya wê û zimanê wê de lîrîzmek heye ku dengê dilê însên yanî dil û hisên wan vedibêje. Sîsê, novelek e ku çawa strana dilên evîndaran distrê, her wiha teswîr û strana xwezayê ye; xuşîna çêm û pêla zeviya zêrzemîn. Her wiha şahidiya heyamekî dike, eva ji bo modernîzma civaka wê demê tiştinan dibêje. Zimanê romanê jî der barê wê çaxê de ne ku ji bo wêjeya me mîratek e.

Di para duduyan ya vê berhemê de, çîroka bi navê Tayê Tenê, ew dîsa behsa wextekî dike ka çawa ew edetê berê xasma qelen ku ji bo zewacê çi zehmetiyan tîne pêşiya civakê.