Polîsan di 13’ê Sibatê de bi ser malên rojnamegeran de girtibûn. Polîsan di serdegirtina malan de  Nûçegihanên Ajansa Mezopotamya (MA) Semra Turan, Delal Akyuz û Tolga Guney, Nûçegihana JINNEWS’ê Melîke Aydin, Nûçegihanê Gazete Dûvarê Cîhan Başakçioglu û xebatkara çapemeniyê ya Partiya Wekhevî û Demokrasiyê ya Gelan (DEM Partî) Fatma Fûnda Akbûlût binçav kiribûn. Polîsan piştî karê îfadeyê bi dawî kir 6 rojnameger sewqî dadgehê kir. Dozger beyî îfadeya wan bigire raste rast bi daxwaza girtinê sewqî dadgehê kir. Dozger bi daxwaza girtinê 6 rojnameger sewqî Dadgeha Ceza ya Sulhê ya Nobedar a Bayrakli ya Îzmîrê kir. Rojnameger ji ber îfadeyên şahidên veşarî û şahida eşkere Bûse Aslan ên ku di dosyeya lêpirsînê de cih girtibûn û nûçeyên ku çêkirine û axaftinên telefonê yên ku bi çavkaniyên nûçeyan re kirine, hatin sûcdarkirin. Rojnameger bi îdiaya “endamtiya rêxistinê” hatin sûcdarkirin.

Dadger cezayê hepsa malê da 4 rojnamegeran

Piştî îfadeyê, Dadgeriya Ceza ya Sulhê ya Nobedar der barê Semra Tûranê û Cîhan Başakçîoglû de biryara şertê kontrola edlî da û der barê Delal Akyuz, Melîke Aydin, Tolga Guney û Fatma Fûnda Akbulut de jî biryara cezayê hepsa malê da û bi vê yekê 4 rojnameger di malê de hepis kir.