Aktîvîstê heqanê merdiman û avûkat Xalid Cebirî îfade kerd ke dewleta tirke Peymana Heqanê Domanan a Mîyanneteweyîye binpay kena û wina qisey kerd: “Dewleta tirke bi taybetî Efrîn de pêro Rojawan de domanan qestî ra kena hedef. Armancê nê hêrişan çinkerdişê şarê kurdî yo.”
Xalid Cebirî da zanayene ke dewleta tirke hema zî huqûqê mîyanneteweyîyî binpay kena.
Avûkat Xalid Cebirî ard ziwan ke dewleta tirke bi taybetî binpaykerdişê heqanê domanan rê dewam kena û vat: “Dewleta tirke bi taybetî Efrîn de pêro Rojawan de domanan qestî ra kena hedef. Armancê nê hêrişan çinkerdişê şarê kurdî yo. Çike domanî ameyox ê. Vera nê hêrişan bêvengîya mîyanneteweyîye zî dewam kena. Qanûnê mîyanneteweyî û Peymana Heqanê Domanan a 1989î qaşo domanan pawenê.
La dewleta tirke peymananê sey nînan bi rehetî binpay kena. Dewleta tirke domanan, dibistanan û pêro waranê domanan kena hedef.”
