Heyetê Rayberdişê Merkezî (MYK) yê DEM Partî eşkera kerd ke seba dîyarkerdişê namzetanê weçînayîşanê herêmîyan mabênê 13-14ê çeleyî de weçînayîşê verênî do bêrê kerdene.
Vizêr MYKyê DEM Partî serkêşîya Hemserekan Tulaye Hatîmogullari û Tuncer Bakirhanî de kom bîbî. Kombîyayîş de derheqê weçînayîşanê herêmîyan û pêkerdişê şaristanan de birê girîngî gêrîyayî.
Bire dîyaye ke weçînayîşê seba dîyarkerdişê namzetanê weçînayîşanê herêmîyan mabênê 13-14ê çeleyî de nêzdîyê 50 merkezan de do bêrê kerdene. Goreyê ney bire dîyaye ke endamê Meclîsê Partîye, parlamenter, endamê Meclîsê Cinîyan, endamê Meclîsê Ciwanan, îdarekarê qezayan û temsîlkarê dezgehanê sivîlan erk bigêrê ke weçînayîşê dîyarkerdişê namzetan bi zelalî derbaz bibê. Seba temamkerdişê lîsteyanê delegeyan zî xebatî do bêrê lezkerdene.
Ame pare kerd ke xebatê ‘Pêkerdişê Şaristanan’ ê DEM Partî zî şaristan bi şaristanî do bêrê zelalkerdene. Goreyê ney Hatay, Mersîn, Stenbol û Anqara de bi hêzanê demokratîkan, dezgehanê sivîlan û partîyanê sîyasîyan têkilîye do bêra xurtkerdene.
