Rêveberiya Xweseriya Demokratîk a Herêma Bakur û Rojhilatê Sûriyeyê bi daxuyaniyêk nivîskî ji bo sala nû peyamek weşand û sala 2024 li hemû gelê Sûriyeyê pîroz kir.
Daxuyanî Rêveberiya Xweser wiha ye: “Zêdebûn û wêrankirina sîstematîk a dewleta tirk yek ji wan kêşeyên mezin bû ku gelê me, rêveberiya wê ya xweser û hêzên wê yên leşkerî di ber çavan re derbas kirin, di çarçoveya hewldanên mezin ên ji bo têkoşîna li dijî terorê û derbaskirina bandorên wê.
Dewleta tirk bi berdewamî wêrankirina binesaziyê û dewleta tirk a dagirker û komên çete yên girêdayî wê di nava salekê de li herêmên dagirkirî (Efrîn, Serê Ganiye û Girê Spî) komkujî û binpêkirinên zêdetir pêk tînin.
Guhertinên herêmî û navdewletî jî siya xwe avêtine ser rastiya rewşa Sûriyeyê. Ji Ukraynayê dest pê dike, bi rêya Tirkiyeyê û heta Xezayê, ku dîmenê Sûriyeyê ber bi xirabbûnê ve birin, li gel ku helwêsta ereban lawaz maye û ji dîmena Sûriyeyê nemaye û li şûna ku welatên ereb beşdariyê di çareserkirina krîza Sûriyeyê de bikin, îro êşê dikişînin. Ji her welatekî zêdetir ji encamên vê qeyranê, dem derbas bû û ewlehiya ya netewî kete xeterê.
Bi karesata erdheja 6’ê sibata sala borî, ku bi ser Sûriye û Tirkiyeyê de girt, dîplomasiya mirovahî hat aktîvkirin û kanalên peywendiyê bi rêjîma Sûriyeyê re hatin vekirin bi mebesta pêşkêşkirina alîkariya mirovî ji navçeyên ziyanpêketî re, ku ev yek bû sedem ku Însiyatîfa Erebî ya ji bo normalîzekirina Şamê, lê encam negirt.
Her wiha hewldanên navdewletî yên li gorî Rêgeza 2254 ji dosyayên piştgiriya mirovî û kêmkirina rageşiyê wêdetir derneket, û ew bi xwe rastî pirsgirêkeke mezin tê û ev yek nîşan dide ku rastiya siyasî ya Sûriyeyê di rewşeke dorpêçkirinê de ye. Ji bo dirêjkirina temenê krîzê û nebûna derfetên çareseriyê di demek nêzîk de.
Pêkhateyên Bakur û Rojhilatê Sûriyeyê ji bo parastin û pêşxistina destkeftiyên xwe û parastina aramî û ewlehiya herêmê, hewldaneke mezin dane û hewldan û pîlanên ku ji bo peydakirina alozî û nakokiyên hundirîn ne, têk birin û ev yek bi saya hewldanên hemû aliyan e. Şêniyên herêmê û li ser bingeha hevkarî û pêkvejiyana civakan û îsal saleke tijî kêşe û zehmetiyan bû, di warê aborî û siyasî de saleke tijî destkeftên Rêveberiya Xweseriya Demokratîk bû, ku heta niha gelek karên li pêşiya xwe hene, ku sala borî jî bi cih neanîn, bi nêzîkatiya xwe ve girêdayî ye û bi biryar e ku bişopîne û pêk bîne ya ku li gorî jiyana gelê me ye.
Em weke Rêveberiya Xweseriya Demokratîk a Herêma Bakur û Rojhilatê Sûriyeyê hatina Cejna Noelê û sersala nû li hemû gelê Sûriyeyê pîroz dikin, em êşa şehîdên xwe yên sivîl ên ku di encama êrîşên dewleta tirk a xayîn de şehîd bûne, tînin ziman. Ên ku li hêviya hatina sala nû bûn û li hêviya hatina sala nû bûn, ew hêviyê bi xwe re hildigire û di heman çarçoveyê de em tekez dikin ku yekrêziya gelê me dê bimîne tekane rêya garantîkirina maf û nasnameya wan rûyê hemû hêzên ku dixwazin wan tune bikin em bang li civaka navdewletî dikin ku der barê bûyerên li Sûriyeyê diqewimin bikevin tevgerê û zextê li dewleta tirk bikin ku dest ji êrîşên xwe berde û dawî li dagirkeriya xwe ya li ser axa Sûriyryê bîne. Bang li hemû aliyan dikin ku erkên xwe yên exlaqî û mirovî bi cih bînin, ji bo bidawîkirina azarên Sûriyeyê û hemû hewlên xwe ji bo pêkanîna aştiyê û pêkanîna jiyana hevbeş û hezkirinê di navbera gelan de bi kar bînin.
Her wiha em banga aktîvkirina rêya çareseriya siyasî û destpêkirina diyalogê li ser esasê hevpariya niştimanî û avakirina Sûriyeyeke nû, demokratîk û nenavendî dikin. Em bang li hemû gelê Sûriyeyê dikin ku ji bo sala nû bibe sala yekkirina ronahiya niştimanî kar bikin û dagirkeriyê tune bikin û yekitiya Sûriyeyê bisepînin.”
