Serokwezîrê Îsraîlê Benjamin Netanyahu li ser hesabê xwe yê X bersiva rexneyên serokkomarê tirk Tayip Erdogan da û wiha nivisand: “Erdoganê ku li dijî kurdan jenosîdê dike û di girtina rojnamevanên li dijî desthilatdariya wî de rekora cîhanê girtiye, kesê herî dawî ye ku ji me re behsa exlaqê dike.
Serokwezîrê Îsraîlê Benjamin Netanyahu bersiv da rexneyên Serokomar û Serokê Giştî yê AKP’ê Recep Tayyîp Erdogan ên ku Netenyahu wekî “Hîtler” binav dike û wiha got: “Erdogan kesê herî dawî ye ku wê dersên exlaqî bide me.”
Erdogan di axaftina xwe ya îro ya li Merasima Xelatên Zanistî ya TÜBİTAK û TÜBA’yê ya 100’emîn Salvegerê de ji bo Netenyahu gotibû: “Cûdahiya te û Hîtler çi ye? Ma tişta ku Netanyahu kiriye kêmî yê Hîtler e ? Na .
“Ew xwediyê rekora cîhanê ye ji bo girtina rojnamevanan.”
Netanyahu îro di platforma X’ê ya medyaya civakî de xîtabî Erdogan kir.
Netanyahu wiha got: “Erdoganê ku li dijî kurdan qirkirinek pêk anî û di girtina rojnamevanên li dijî desthilatdariya wî de rekora cîhanê girtiye, kesê herî dawî ye ku ji me re exlaqê dike.
Her wiha ji bo rexneyê Erdogan ên li ser artêşa Israîlê jî wiha got: “Hêzên Çekdar ên Israîlê artêşa herî bi moral a cîhanê ye, li dijî rêxistina terorê ya herî hov û zalim a dinyayê Hamas-DAIŞ’ê ku Erdogan pesnê wê dide û mazûvaniyê ji rayedarên wê yên payebilind re dike, şer dike û tune dike.”
