Çalakiya Nobeda Edaletê ya ku Komeleya Alîkariya bi Malbatên Girtiyan Hikûmxwaran re (TUAY-DER) û Federasyona Komeleyên Hiqûq û Piştevaniya Malbatên Girtî û Mehkûman Med (MED TUHAD-FED) bi dirûşma “Ji Abdulah Ocalan re azadî, ji pirsgirêka kurd re çareseriya siyasî” dane destpêkirin di roja 14’an de didome. Li salona DEM Partiyê ya navçeya Rêzan a Amedê pankartên “Em ji bo edaletê tecrîdê bişkînin, ji bo aştiya civakî bibin dengê girtiyan”, “Ji dayîkên lehengan hezar silav li zîndanan” û “Em ê bi hêza xwe tecrîdê bişkînin û jiyana azad ava bikin” daliqandin. Ji bo piştgiriyê gelek rêvebir û endamê Dem Partiyê yên navçeyan û nûnerên Dayîkên Aştiyê, rêxistinên civakî û gelek welatî serdana çalakiyê dikin. Di çalakiya ‘Nobeda Edaletê’ de çalakgeran stranên şoreşgerî gotin û lîlandin.
Dayikên ku Nobeda Edaletê digirin, diyar kirin ku heta azadiya Rêberê PKK’ê Abdûllah Ocalan pêk bê dê têbikoşin. Gelek kesên cuda ji bajarên cuda bi rêya telefonan li malbatan digerin û çalakiya malbatan pîroz dikin û piştgiriyê didin malbatan.
