Federasyona Navneteweyî ya Rojnamegeran (IFJ) metirsiya xwe der barê hejmara rojnamegerên di 2023′yan de hatine qetilkirin nîşan da û ragihand ku di şerê Îsraîlê û Hemasê ya li Xezayê gelel rojnameger hatin qetilkirin. Têkildarî bîlançoyeke salane ya mirina kesên di çapemeniyê de dixebitin de, IFJ′ê aşkera kir ku heta niha 94 rojnameger hatine qetilkirin û 393 kesên di qada çapemeniyê de dixebitin hatine girtin. IFJ bang kir ku ji bo kesên di aliyê çapemeniyê de dixebitin divê parastineke xurtir hebe û kesên êrişî wan dikin werin hesabkirin.

IFJ daxuyand ku 68 rojnamegerên şerê Îsraîl û Hemasê dişopandin hatin qetilkirin, anku di rojekê de zêdetirî rojnamegerek hatiye qetilkirin, bi wê re ji sedî 72 hejmara giştî ya rojnamegerên li tevahî cîhanê tên qetilkirin û piranî rojnamegerên filistînê li Xezayê hatin qetilkirin.

′Divê pîvanek bê danîn’

Serokê IFJ′ê Dominic Bradali xwest pîvaneke nû ya cîhanî ji bo parastina rojnamegeran hebe.

Dominic Bradali diyar kir ku ji dema ku federasyonê dest bi tomarkirina hejmara mirin û qetilkirina rojnamegeran ve  di 1990′î de kiriye di şerê Îsraîl û Hemasê de gelek rojnameger hatin qetilkirin. Her wiha got, Ukraynayê jî hîna jî ji bo rojnamegeran welatekî xeternak e û li wir îsal 3 nûçegihan û karkerên çapemeniyê hatine qetilkirin.

Duh, nivîsgeha ragihandinê ya hikumetê li Xezayê û Sendîkaya Rojnamegeran a Filistînê ragihand ku di êrişa Îsraîlê li ser Xeza û Xan Yûnis de 2 rojnameger hatin qetilkirin.

Nivîsgehê got, rojnamegera filistînî Ula Etallah di êrişa Îsraîlê de li cihê ew û malbata xwe koçberî taxa Derec a rojhilatê Xezayê bûne, hate qetilkirin.

Li aliyekî din jî Sendîkaya Rojnamegerên Filistînê ragihand ku rojnameger Duaa El Cebur, hevjîîn û zarokên wê di topbarana li Xan Yûnis ê li başûrê Xezayê de hatin qetilkirin.