Wê roja 10’ê Kanûnê ji bo hilbijartina serokê nû yê Misrê gel here ser sindoqên dengdanê. Wê hilbijartin sê rojan berdewam bike. Li gor pêşbîniyan, wê Serokê Misrê Ebdul Fetah Sîsî cara sêyem ji bo serokatiya Misrê were hilbijartin.
Medyaya Misrê ragihand wê di navbera rojên 10-12’ê Kanûnê de ji bo hilbijartina serokê Misrê gel here ser sindoqên dengdanê. Ji bilî Ebdul Fetah Sîsî sê namzetên din jî ji bo posta serokatiya Misrê hene.
Ji serê meha Kanûnê ve hemwelatiyên Misrê yên li dervey welatin dest bi dayîna dengan kirine.
