Çalakiya Dayikên Şemiyê ku 5 sal bûn dihat astengkirin, li ser bertekên ku hatin nîşandan çend hefte ne destûr tê dayîn ku çalakî bê lidarxistin. Lê çalakî bi 10 kesan hatiye sînordarkirin û destûr nayê dayîn ku ji bilî 10 kesan kes tev li çalakiyê bibe. Parlamentera Partiya Wekhevî û Demokrasiyê ya Gelan (HEDEP) a Wanê Pervîn Bûldan, li dijî vê rewşê derket û der barê mijarê de pêşnûmepirs da Serokatiya Meclîsê û xwest Wezîrê Karên Hundir Alî Yerlîkaya der barê mijarê de daxuyanî bide.

Di pêşnûmepirsa xwe de de Bûldan ev pirs ji Yerlîkaya kirin: “Tevî ku mafê civîn û meşan di destûra bingehîn de hatiye mîsogerkirin û tevî biryara AYM’ê jî çima tevlibûna çalakiya Dayikên Şemiyê bi 10 kesan hatiye bisînorkirin, armanca vê û bingeha vê biryarê ya qanûnî çi ye? Gelo heke ez weke kesa 11’emîn tev li çalakiya Dayikên Şemiyê bibim, tu astengiyên qanûnî li pêşiya min hene?”