Amed de Hetkara Hemserekanê Partîya Bindestan a Sosyalîste (ESP) Beycan Taşkirane zî tede 3 kesî ameyî destbendkerdene.

Çarçewa tehqîqatêkê Serdozgerîya Komare ya Dîyarbakirî de serê sibayî polîsan Amed de eşt xeylêk keyeyan ser.

Sereştişan de Hetkara Hemserekanê Partîya Bindestan a Sosyalîste (ESP) Beycan Taşkirane, Endama Heyetê Rayberdişê Merkezî yê Meclîsê Cinîyan ê Sosyalîstan (SKM) Satîye Oke û keso/a bîn/e ameyî destbendkerdene.

ESPyî da zanayene ke keyeyanê hîrê kesan de cigêrayîşê polîsan dewam kenê.