Qezaya Cizîre ya Şirnexî de hetkarê mudirî Burak Ercanî 43 wendekarî tacîz kerdî. Labelê hukmê rejîmê Erdoganî tacîzker verada.

Roniştişo 8. yê dewaya vera Ercanî Mehkemeya Cezaya Girane ya Cizîre de ame kerdene. Avûkatê Wezîrîya Keye û Xizmetanê Komelkîyan, avûkatê Baroyê Şirnexî, îdarekarê Egitim-Senî tewrê mehkeme bîyî.

Ercan û avûkatê ci zî bi rayîrê SEGBÎSî tewrê roniştişî bîyî.

Roniştiş de wendekare R.Y. ameye goşdarîkerdene. Dima zî avûkat Serkan Karakaşî qisey kerd û waşt ke wa Ercano tacîzker bitepişîyo.

Mehkeme waştiş red kerd û roniştiş taloqê 15ê kanûne kerd.